10 أسئلة لازم تسألهم لنفسك قبل ما تفكر في تغيير المهنة

كتب بواسطة : Kholoud Mohamed
في :

كتير مننا مبيقدرش في أول حياته المهنية يشتغل الوظيفة اللي بيحلم بيها وبيمسك في أول فرصة عمل حقيقية قدامه علشان يبدأ المشوار، بس بعد فترة ولما بنبدأ نحس إننا عدينا خطوة أول الطريق بنرجع تاني نفكر في إننا نعمل اللي بنحبه ونغير مسارنا الوظيفي.

بس برغم كده الموضوع بيحتاج تفكير كتير علشان ناخد قرار صح ومنرجعش نندم عليه، وعشان منضيعش من إيدينا فرصة الوظيفة اللي إحنا فيها لو فشلنا في إننا نغير مهنتنا.

علشان كده في المقال ده تالنتس هانترز هتحاول تساعدك تاخد قرار صح.

هتلاقي هنا 10 أسئلة لازم تسألهم لنفسك قبل ما تاخد قرار تغيير الوظيفة

  1. إيه الأسباب اللي بتخليني أفكر أغير وظيفتي الحالية ؟
  2. مقارنة بين الوظيفتين أي واحدة هتأمنلي مستقبل وظيفي أفضل؟
  3. يا ترى أنا عندي مؤهلات كفاية أقدر أنجح بيها في الوظيفة الجديدة؟
  4. أهلي وصحابي هيدعموني في الخطوة دي ولا عندهم إعتراض؟
  5. هحتاج وقت أد إيه علشان أوصل لنفس النجاح اللي وصلتله في وظيفتي الحالية؟
  6. إيه العقبات اللي مُمكن أواجهها في خطوة تغيير المهنة؟
  7. إيه اللي أقدر أعمله علشان أواجه العقبات دي وأتغلب عليها؟
  8. يا ترى خبرتي السابقة هتساعدني في المجال الجديد ولا هبدأ من الصفر؟
  9. أعرف مين بيشتغل في المجال ده هيقدر يساعدني ويدعمني في قراري؟
  10. إيه الخبرات والمهارات اللي هقدر أكتسبها من الوظيفة الجديدة؟

الخُلاصة

متحكمش على نفسك بـ أي حاجة إنت مش حاببها، لو مش حابب شغلانتك أو عايز تغيرها دور وإبدأ من دلوقتي.

في وقت فراغك جمع معلومات أكتر عن وظيفة أحلامك وحدد المسار الصح علشان تقدر توصلها.